លោកអ្នកទស្សនាហើយអាចដូនឡូត កម្មវិធីរបស់គាត់បាន
ឆូយ ប៊ុនសុខហេង ជាយុវជនខ្មែរមួយរូបទទួលបទពិសោធន៍ពី Android ក្នុងការបកប្រែកម្មវិធីជាភាសាខ្មែរ
ដោយ
មានបទពិសោធន៍ធ្លាប់ប្រើប្រព័ន្ធប្រតិបត្តិការណ៍ទូរសព្ទផ្សេងៗ
ប៉ុន្តែដល់ពេលមកជួប Android
ធ្វើឲ្យយុវជន ថោង ស៊ីថា អាចបកប្រែកម្មវិធីលើ Android
ជាច្រើនឲ្យក្លាយជាកម្មវិធីមានជាភាសាខ្មែរ
ខណៈដែលខ្លួនមិនមានចំណេះដឹងផ្នែក Programming អីទាល់តែសោះ។
ពាក់ព័ន្ធនឹងបញ្ហានេះ ស៊ីថា បានប្រាប់ Sabay ថា៖ ” ដោយសារតែ
Android ជា Open Source
ដូច្នេះបានជាខ្ញុំអាចបកប្រែកម្មវិធីផ្សេងៗលើ Android បាន
តាមរយៈការប្រើប្រាស់ Tool មួយចំនួន”។
លោក
បន្តថា បច្ចេកទេសបកប្រែទាំងនេះ ភាគច្រើនគឺចេញពីអ៊ីនធឺណិត
តាមគេហទំព័រ វេទិការពិភាក្សាផ្សេងៗដែលពាក់ព័ន្ធនឹង Android
និងតាមរយៈការផ្ដោះប្ដូរបទពិសោធន៍ពីអ្នកប្រើ Android ដូចគ្នា។
“អ្វីដែល Android ផ្ដល់បទពិសោធន៍ឲ្យខ្ញុំមួយរយៈពេលមកនេះ គឺការ
Compile String (យកអក្សរខ្មែរ) ដាក់ទៅក្នុង Source
កូដនៃកម្មវិធីផ្សេងៗលើ Android ឲ្យក្លាយជាកម្មវិធីមានអក្សរខ្មែរ “។ ស៊ីថា បញ្ជាក់បន្ថែម។
បន្ទាប់
ពីដឹងថាយុវជនខ្មែរខាងលើអាចបកប្រែកម្មវិធីលើ Android
ជាច្រើនឲ្យក្លាយជាកម្មវិធីមានជាភាសាខ្មែរបាន
យុវជនខ្មែរម្នាក់ទៀតឈ្មោះ ឆូយ ប៊ុនសុខហេង
បានបន្តការងារស្រាវជ្រាវបន្ថែម។ លោកបានប្រែខ្លួនពីអ្នកប្រើ
Smartphone
សម្រាប់តែ Call ចេញចូល មកក្លាយជាអ្នកចេះកែ File System
ក្នុងទូរសព្ទ Smartphone ខ្លួន។ លោកបញ្ជាក់ប្រាប់ថា៖
“បន្ទាប់ពីទទួលបទពិសោធន៍អ្នកប្រើ Android ដូចគ្នា ត្រឹមតែរយៈពេល ៤
ខែ ខ្ញុំចាប់ផ្ដើមចេះប្រែកម្មវិធីផ្សេងៗជាភាសាខ្មែរ
ហើយថែមទាំងមានគំនិតស្រាវជ្រាវបច្ចេកទេសផ្សេងៗទៀត
កាន់តែខ្លាំងឡើងៗលើ Android”។
សុខ
ហេង បន្ថែមទៀតថា ទោះបីជាមានមតិអវិជ្ជមានមួយចំនួនបានលើកឡើងថា
ការបកប្រែកម្មវិធីជាភាសាខ្មែរជាការចម្លងគេពិតមែន
តែលោកសប្បាយចិត្តនឹងធ្វើ ដើម្បីចែករំលែកអត្ថប្រយោជន៍
និងចំណេះដឹងនេះដល់ប្រជាជនខ្មែរដូចគ្នា
ដែលចង់បានកម្មវិធីលើ Android ជាភាសាខ្មែរ។
ម្យ៉ាងទៀត Android ជា Open Source
ដូច្នេះគេអាចស្រាវជ្រាវបន្ថែមអ្វីផ្សេងទៀតបាន។
“ខ្ញុំមិនខ្វល់ពីពាក្យគេថាទេ យ៉ាងហោចណាស់ Android
អាចឲ្យខ្ញុំបោះជំហានក្លាយជា Smart User របស់ Android ដែរ!
ខ្ញុំសប្បាយចិត្តនៅពេលដែលអ្នកប្រើ Android
ស្រុកយើងនាំគ្នាដោនឡូតយកកម្មវិធីទាំងនោះទៅប្រើ”។ សុខហេង
បញ្ជាក់។
Android
ជាប្រព័ន្ធប្រតិបត្តិការណ៍ទូរសព្ទដ៏ល្បីល្បាញមួយក្នុងពិភពលោកសព្វ
ថ្ងៃនេះ។ ប្រព័ន្ធប្រតិបត្តិការណ៍ដែលបង្កើតដោយ Google មួយនេះ ជា
Open Source OS
ដូច្នេះហើយបានជាអ្នកប្រើប្រាស់ទូរសព្ទធម្មតាអាចធ្វើការកែប្រែ
File System តាមការស្រាវជ្រាវរបស់ខ្លួន។ ជាក់ស្ដែង
កម្មវិធីខាងក្រោមនេះជាស្នាដៃយុវជនខ្មែរ ប្រើ Android
បានខិតខំធ្វើដើម្បីចែករំលែកដល់អ្នកប្រើប្រាស់ទាំងអស់យកទៅ
ប្រើ។
អ្នកអាចទាញយកមកប្រើប្រាស់បានដោយឥតគិតថ្លៃតាមរយៈតំណភ្ជាប់
ខាងក្រោមនេះ៖
- កម្មវិធីម៉ាស៊ីនថតខ្មែរ ចុចទីនេះ ដើម្បីទាញយក។
-កម្មវិធី TTPod 5 ភាសាខ្មែរ ចុចទីនេះ ដើម្បីទាញយក។
-កម្មវិធី Walkman Player (ភាសាខ្មែរ) ចុចទីនេះ ដើម្បីទាញយក។
-កម្មវិធី MIUI Player (ភាសាខ្មែរ) ចុចទីនេះ ដើម្បីទាញយក។
- កម្មវិធីប្តូរពីភាសាដើមទៅភាសាដ៏ទៃមួយទៀត ចុចទីនេះ ដើម្បីទាញយក។
ក្រៅ
ពីកម្មវិធីខាងលើ
ប្រិយមិត្តអាចរកកម្មវិធីភាសាខ្មែរជាច្រើនទៀតបាន
តាមរយៈក្រុមអ្នកប្រើប្រាស់ Android នៅកម្ពុជា (CAUG)៕
